呢几日发身咗一单大事，就喺《黑涩会》袭广！！！！

经过咗连日噶奋战，真喺好累下，我都几佩服D明星，赶咁多个场，而且每个场都要精神饱满咁，应该真喺几辛苦~~~

呵呵呵呵~~终于都可以见到Y头嘞~！！

汇报下呢几日噶情况啦；

5.1 --- 肉赤

哎。。。谂起个日就心痛嘞。个日距哋第一日来，好多论坛都话去接机，咁我米谂住去下咯，横掂都未去过白云机场。当我去到天河客运站买票噶时候我就觉得有D奇怪嘞，点解5喺上车先比钱噶乜？点解要买票噶？点知道，原来去机场噶车唔喺一般噶BUS，要~~20蚊嘎！！呜。。。不过都买咗票嘞，米去咯。不过都有少少价值，一方面游览咗白云机场成个钟头，行晕晒个机场，仲见到D好大只噶飞机先（唉。。无计大乡里出城喺咁咖嘞，大家原谅下。。。）。跟住都见到距哋（8MM同ANDY哥），仲好近距离咁见到咗几个人。。。第一个喺鬼鬼，第二个喺小熏，跟住成程都跟住Y头。。。。其实除咗MEIMEI同大婶之外，其他人嘎妆都唔会话太浓，特别喺Y头，基本上都好淡。不过呢次成本就贵咯，成半皮嘢。衣家谂起都觉得有D肉赤

5.6朝头早 --- 超值

哇~讲起个日衣家都有D兴奋啊~个日我收到风话距哋去省体院拍《我爱黑涩会》，一朝早起到身，拿拿声就去嘞。搭266，一阵家就到嘞。本来我都知道要晒D时间去揾距哋喺边，但喺我估唔到我个间咁鬼细噶体院D结构都好复杂。。。。揾我成大个半个钟头先揾到距哋喺边，我一去到就见到Y头已经受咗伤行紧埋去坐。讲起个日就激气嘞，个日网易嘎工作人员，鬼死咁负责，搞到我连偷拍噶时候都无。。。我哋离开距哋大约有10-20米咗右啦，第一次睇到人哋拍嘢，好似以前睇电视个D咁，“1.2.3.action~”，都几过瘾咁。呢次我就有好长噶时候仔细咁观察距哋几个，有如下发现：

1.原来小熏块面上面都好有多粒墨，虽然唔会话好大，但喺零零星星咁分布喺块面度，就无上电视咁靓嘞。

2.鬼鬼原来都几高同有少少肥，比上电视要稍微肥DD，仲有筱婕都有D肥，虽然好细个。

3.Y头同APPLE就真喺好瘦，手脚都好“幼”，APPLE比上镜年轻D，Y头咖娃娃音比上电视噶要更加细声，距哋两个都真喺靓过上镜。

4.小蛮，大牙真喺好高，同我哋班“周班”相若，两个身才都好高挑。

呵呵，仲有一个最大大大大噶收获，就喺同Y头倾到几句计，距哋一开始喺跳高噶，跟住后来走去沙池玩2人3足。跟住我就趁呢个机会，静鸡鸡咁溜咗去Y头噶身边，同距讲咗几句话。睇到Y头只脚虽然都只喺流咗少少血，但喺都“呕青”晒，真喺有D心痛。

PS：虽然极唔想被拍到，但喺都喺比人影到相。至于个节目，希望个监制剪好D个D片啦。个朝来回都喺用咗两蚊喈，睇成个几钟，仲有D同Y头讲嘢，超抵！！！！

5.6晚 --- 兴奋到爆灯

个晚喺哋王广场见面会，本来我都有喺网易度报名，但喺唔好运，无得被人抽中。唉~~谂住企喺二楼度睇噶啦，点知道，个天总喺会照顾下D唔好彩嘎人咖，就喺开场前，我加入噶某个群里面有人攞多咗几件衫，呵呵，临开场入到去，真喺够好彩咯。虽然只喺坐到好后，但喺都叫有得坐，同最后尾有得攞签名海报，都算补翻数咯。个晚D人超HIGH，而且超多人，一个广场仔，围到密晒，好恐怖。个晚最正噶，都喺上台攞签名个阵，个个日都好近距离咁见到，讲下嘢咁，同埋同咗Y偷握咗下手^_^ （皮肤好滑，而且好香下先。）PS：我翻来都喺冲咗凉，唔会话几日都5洗手咁核突嘎~~

个阵上去，静鸡鸡咁拍，都拍到DD嘢，影到鬼鬼同小熏同Y头少少。同Y头又讲咗几距。哈哈~最搞笑噶喺同我一齐睇个个网友，距上到台跟住问ANDY哥距加入棒棒堂好唔好，ANDY话好~（虽然出于场面肯定咁答，但喺都搞到距好兴奋），个晚真喺兴奋到爆灯！

呵呵~估唔到临离开广州都可以睇到距哋，真喺好，可能以后都无乜D咁噶机会噶嘞。或者可能好多人都觉得好追星，好傻仔咁啦，但喺我觉得趁住自己仲有咁嘎心同咁嘎精力，有可以疯狂下嘎机会米疯狂下咯，以后可能人大嘞，就无咗后生个阵时个种热血同激情咖嘞，人难得糊涂，都难得咁疯狂。狂一下，又何况。。。呵呵~~

嗯~距哋寻日走咗嘞，我都要喺兴奋嘎状态下要恢复平静先得嘞，当见到距哋嘎时候，感觉好似发咗场梦，本来喺好遥远嘎野，突然变得好近。但喺，梦始终都会完，我始终都喺生活喺比较现实嘎世界里面，要冷清啦~~`要平服翻D心情，继续过我嘎生活。。。。。

PS:好，为咗纪念呢次活动，以后咖5月6日就喺Y头见面纪念日啦~哈哈

2008-5-8